ദുഖകരമായ ദിവ്യ രഹസ്യങ്ങള്‍
(ചൊവ്വ, വെള്ളി  ദിവസങ്ങളിലും വലിയ നോമ്പു മുതല്‍ ഉയര്‍പ്പു വരെയുള്ള ഞായറാഴ്‌ചകളിലും ചൊല്ലുന്നു)

1. നമ്മുടെ കര്‍ത്താവീശോ മിശിഹാ പൂങ്കാവനത്തില്‍ പ്രാര്‍ത്ഥിച്ചിരിക്കുമ്പോള്‍ ചോര വിയര്‍ത്തു എന്ന്‌ ധ്യാനിക്കുക. 1 സ്വര്‍ഗ്ഗ.10 നന്മ, 1 ത്രിത്വ, ഓ എന്റെ ഈശോയെ....

2. നമ്മുടെ കര്‍ത്താവീശോ മിശിഹാ പീലാത്തോസിന്റെ വീട്ടില്‍വെച്ച്‌ ചമ്മട്ടികളാല്‍ അടിക്കപ്പെട്ടു എന്ന്‌ ധ്യാനിക്കുക.

1 സ്വര്‍ഗ്ഗ.10 നന്മ, 1 ത്രിത്വ, ഓ എന്റെ ഈശോയെ....

3. നമ്മുടെ കര്‍ത്താവീശോ മിശിഹായെ യൂദന്മാര്‍ മുള്‍മുടി ധരിപ്പിച്ചു എന്ന്‌ ധ്യാനിക്കുക.
1 സ്വര്‍ഗ്ഗ.10 നന്മ, 1 ത്രിത്വ, ഓ എന്റെ ഈശോയെ....

4. നമ്മുടെ കര്‍ത്താവീശോ മിശിഹാ മരണത്തിനു വിധിക്കപ്പെട്ടതിനു ശേഷം തനിക്ക്‌ അധികം അപമാനവും വ്യാകുലവുമുണ്ടാകുവാന്‍ വേണ്ടി അവിടുത്തെ തിരിത്തോളിമേല്‍ ഭാരമുള്ള കുരിശുമരം ചുമത്തപ്പെട്ടു എന്ന്‌ ധ്യാനിക്കുക.
1 സ്വര്‍ഗ്ഗ.10 നന്മ, 1 ത്രിത്വ, ഓ എന്റെ ഈശോയെ....

5. നമ്മുടെ കര്‍ത്താവീസോ മിശിഹാ ഗാഗുല്‍ത്താ മലയില്‍ച്ചെന്നപ്പോള്‍ വ്യാകുല സമുദ്രത്തില്‍ മുഴുകിയ പരിശുദ്ധ മാതാവിന്‍രെ മുമ്പാകെ തിരുവസ്‌ത്രങ്ങളുരിഞ്ഞെടുക്കപ്പെട്ട്‌ കുരിശിന്മേല്‍ തറക്കപ്പെട്ടു എന്ന്‌ ധ്യാനിക്കുക.1 സ്വര്‍ഗ്ഗ.10 നന്മ, 1 ത്രിത്വ, ഓ എന്റെ ഈശോയെ....